Leku berri batera iristea ez da bakarrik lekuz aldatzea. Orobat da hutsetik hastea, sarerik gabe, erreferentziarik gabe eta, askotan, benetako aukerarik gabe. Horretarako sortu zen AMIGA (Galiziako migratzaileen elkartea), beren bizitzako une garrantzitsu batean laguntza behar duten pertsonei laguntzeko. Izan ere, presente egotea laguntzeko modu indartsua da.

Zer da AMIGA eta nori laguntzen dio?

AMIGA gizarte-erakunde bat da, gizarte inklusiboago bat eraikitzeko lan egiten duten hainbat jatorritako pertsonez osatua. Laguntza ematen diete migratzaileei eta zaurgarritasun sozialeko egoeran dauden pertsonei: baliabideak ez ezik, rientazioa,
egonkortasuna eta beren testuingurua ulertzen duen norbait ere behar duten ertsonei. Izan ere, integratzea ez dago iristen denaren esku bakarrik; bidea zabalduko duen egitura bat ezinbestekoa da.

Laguntza hutsa baino gehiago: benetako bidelagun izatea

AMIGAk egiten duena ez da unean uneko laguntza bat, prozesu integral bat baizik. AMIGAren ikuspegiak bizitzako arlo guztiak hartzen ditu kontuan, hasierako harreratik enplegua lortzeraino, tartean lege-aholkularitza, lan-orientazioa edo bitartekaritza direla. Ez du xedetzat behin-behineko irtenbideak bilatzea, baizik eta zimenduak jartzea, norbaitek, azkenean, bere etxe berrian sustraiak bota ahal izateko. Eta hori denborarekin, arretaz entzunez eta behar espezifiko bakoitza ulertuko duen talde batekin baino ez da lortzen.

Inklusioa ere eraiki egiten da

Inklusioaz hitz egitea erraza da. Posible egitea, ez hainbeste.
AMIGAk sarean lan egiten du enpresa, erakunde eta administrazioekin, benetako espazioak irekitzeko lanerako, komunitatea eraikitzeko, prestakuntzarako eta laguntza-sareak eratzeko. Ez teoriatik, praktikatik baizik: iristen denaren iurgabetasuna segurtasun- eta laguntza-sare bihurtuz.

Finantzaketa etikoaren zeregina

Horrelako proiektuak badaude, baina zaila da horiei denboran eustea. Banka tradizionala gutxitan sartzen da hemen: ez dago berehalako errentagarritasun ekonomikorik, ezta eskatzen duten ohiko bermerik ere. Baina giza inpaktu erreala badago.

Horretan, Fiare Banka Etikoak berebiziko garrantzia du. Gure finantzaketari esker, AMIGAk eta halako ekimenek funtzionatzen jarrai dezakete, bertan behera utziko lituzketen finantza-dinamiken mende egon gabe. Ez dugu finantzatzen etekin ekonomiko handiena lortzeko, baizik eta pertsonen bizi baldintzak hobetzea lehenesten duen irizpide etiko batek bultzatuta.

Finantzaketa aldatzen denean, posible dena aldatu egiten da

Gure aurrezkiak non gordetzen ditugun aukeratzea, berez, bihar zer proiektu abian egotea nahi dugun erabakitzea da. Banka etikoaren aldeko apustua eginez, zure diruak zifra izateari uzten dio, eta eskubideak bermatzen eta guztiontzako ongizatea eraikitzen duen tresna bihurtzen da. Izan ere, finantzaketaren bidez soilik lortuko dugu gizarte gizatiarrago bat.