Beharrezko eztabaida une kritiko batean

Arazo argi bat planteatzen dugu: nola bermatu etxebizitzarako benetako sarbidea,
espekulazioak, prezioen gaineko presioak eta desberdintasunek markatutako
testuinguru batean.
Horretarako, hauek parte hartuko dute: Pablo Carmona, historialari, aktibista eta
Hipotekak Kaltetutakoen Plataformako (PAH) kideak, La democracia de los
propietarios (2022) lanaren egileak eta Javier Burón, Deustuko Unibertsitateko
Zuzenbidean lizentziadunak, etxebizitza, lurzoru industrial eta lurralde kohesioko
proiektuetan diharduen Nafarroako Gobernuko Nasuvinsa enpresa publikoaren
egungo kudeatzaileak etaEl problema de la vivienda (2025) lanaren egileak.
Saioa Marían Díez, EHUko Ekonomia doktore eta Fiare Banca Eticako ekintzaile eta
bazkideak moderatuko du.
Analisitik haratago, argi utzi nahi dugu hau: egungo eredua ez da ondo funtzionatzen
ari. Ekonomia sozialetik, eztabaida irekitzearen eta etxebizitza merkantzia gisa
tratatzen duen sistema bat zalantzan jartzearen aldeko apustua egingo dugu,
eskubide gisa tratatu beharrean.

Finantza etikoen erresilientzia

Ekialde Hurbileko gatazkaren gorakadak nabarmen eragin die merkatu finantzarioei, eta arma-ekoizleei eta erregai fosilen enpresa erraldoiei egin die mesede. Testuinguru gorabeheratsu horretan, Grupo Banca Eticak are indartsuago berretsi nahi du bere estrategia, hiru zutabe nagusi hauek sostengatzen dutena:

Gardentasuna eta koherentzia. Ez dugu gatazketatik eratorritako etekinik nahi. Gaur egun ereiten den hondamendia ezin izango da inoiz justifikatu epe motzeko irabaziekin.

Dibertsifikazioa. Gure zorroen dibertsifikazio zabala erabat bideratuta dago hegakortasun-gailurrak leuntzera eta epe luzeko egonkortasuna bermatzera.

Horizonte berdea. Ezegonkortasun geopolitikoak are eta beharrezkoago egiten du Europaren energia-iturriak dibertsifikatzea. Prozesu horrek are gehiago lagunduko die inbertsio jasangarriei, inbertsio horiek baitira etorkizunari gero eta indartsuago eutsiko dioten oinarriak.