Fiare Banca Eticak Enpresa Konprometituaren Aipamen Berezia jaso zuen joan den astean Bartzelonako W Hotelean egin zen Barcelona Pride Awards sarien lehen edizioan.
Saria Pride Barcelona sarien epaimahaiak eta presidenteak eman zioten, gizarte askotarikoagoa, inklusiboagoa eta berdintasunezkoagoa eraikitzen laguntzen duten erakunde, entitate eta pertsonen konpromisoa nabarmentzeko.
Giza eskubideekiko konpromisoaren aitorpena
Barcelona Pride Awards sariak berdintasuna, aniztasuna eta LGTBIQ+ kolektiboaren eskubideak bultzatzen dituzten ekimenak ikusarazteko helburuarekin sortu dira, enpresek, instituzioek eta erakundeek aldaketa sozialean izan dezaketen zereginari balioa emateko.
Lehen edizio honetan, Fiare Banca Eticak Enpresa Konprometituaren Aipamen Berezia jaso zuen, bere ibilbideagatik eta giza eskubideekin, inklusioarekin eta ekonomia bidezkoago bat eraikitzeko prozesuarekin duen konpromisoagatik.
Aitorpen horrek lotura zuzena du finantza-jarduera ulertzeko dugun moduarekin: pertsonen eta guztion ongiaren zerbitzura dagoen tresna.
Bankuak ere jardun dezake
Fiare Banca Etican uste dugu dirua ez dela inoiz neutrala. Finantzen arloko erabaki orok eragina du gizartean, eta eredu ekonomiko eta sozial jakin batzuk indartzen laguntzen du.
Horregatik, aukera-berdintasuna, gizarte-kohesioa eta oinarrizko eskubideen errespetua sustatzen dituzten proiektuak bultzatzeko lan egiten dugu. Eragin positiboa duten ekimenak finantzatuz eta gardentasunean, partaidetzan eta erantzukizun kolektiboan oinarritutako banka eraikiz egiten dugu.
Aniztasuna gizartea aberasten duen balio gisa ulertzen dugu, komunitate bidezkoago, irekiago eta demokratikoagoetarantz aurrera egiteko ezinbesteko baldintza gisa.
Ados gaude aitorpen horrekin
Saria Fiare Banca Etica osatzen duten kide, bezero, erakunde eta proiektu orori ere ematen zeio, hainbat esparrutatik gizarte inklusiboagoa eraikitzeko egunero lan egiten duten horiei.
Goraipamen hori esker onez jaso dugu, eta oraindik bide luzea dagoela uste dugu.
Lanean jarraituko dugu finantzak gero eta gehiago egon daitezen pertsonen, giza eskubideen eta inor atzean utziko ez duen ekonomia baten zerbitzura.
Argazkia:
Ingrid Ribas (2026)