Fiare Banca Etica finantza etikoan oinarritzen diren bi proiektu elkartzearen ondorioz sortu zen:  Banca Popolare Etica, Italian 1999tik lanean ari zen banketxe kooperatibo bat eta Fiare, Espainian lanean ari dena 2005etik. Biek izan nahi dute gizarte-eraldaketaren zerbitzura egongo den tresna, eta horretarako hirugarren sektoreko proiektuak finantzatzen dituzte, eta ekonomia soziala eta solidarioa eta finantza-bitartekaritzaren kultura sustatzen dituzte, gardentasuna, parte-hartzea eta demokrazia oinarri hartuta.

Banketxe kooperatiboa

Europan erreferentziazko banketxe kooperatiboa gara eta 42.000 bazkide baino gehiago ditugu Espainia eta Italia artean. Bost eremu geografikotan banaturik gaude, eta hainbat organo parte-hartzaile ditugu. Gure kudeaketa demokratikoa eta pertsonen parte-hartzearekiko konpromiso etikoa bermatzen ditugu, “pertsona bat, boto bat” printzipioa oinarri hartuta.

Gure eragina

Gure xedea da diruaren balio soziala berreskuratzea.  Horrexegatik balio dute printzipio hauek partekatzen dituzten pertsonen eta erakundeen aurrezki-gordailuek honako arlo hauekin lotutako proiektuak finantzatzeko: pertsonen gizarteratzea eta laneratzea, agroekologia, energia eraginkortasuna, hezkuntza eta kultura eta bidezko merkataritza, besteak beste.

Gardenak gara

Finantzatutako proiektuak, ekonomia, gizarte eta ingurumen aldetik ebaluazio zorrotza jasotzeaz gain, gure konfiantzaren kapitala dira. Gardentasuna da gure funtsezko zutabea, eta gordailututako dirua non inbertitzen den jakitea eskatzen duenez, emandako finantzazioa argitara ematen dugu.

Gure zenbakiak

Ikus itzazu banketxearen bilakaerari buruzko daturik azpimarragarrienak: kapital soziala, bazkide-kopurua, gureganatutako eta emandako maileguak eta gure erakundearen balantze soziala.
https://www.fiarebancaetica.coop/eu/gure-zenbakiak