Elaboradas con moito amor, puramente artesás, distribución local e produción limitada: velaquí algunhas das características das cervexas Gabarrera. A cooperativa elabora o seu produto de forma totalmente natural empregando ingredientes de proximidade: auga da serra de Guadarrama, maltes de cebada, trigo e lúpulos ecolóxicos, azucre de caña e lévedos. A mellor opción para gozar dunha cervexa en Madrid.

Bos produtos, bos prezos, boa xente: este é o lema de La Osa, o supermercado cooperativo e participativo de Madrid que xa conta con máis de 1400 cooperativistas. Que vantaxes ten este modelo de supermercado? Nel atoparás produtos de proximidade, ecolóxicos e, na medida de posible, a granel. É dicir, nel farás a túa compra co menor impacto ambiental.

Roupa de segunda man con valor social, Moda Re é moito máis ca unha alternativa á fast fashion. Xera oportunidades laborais para persoas en situación de vulnerabilidade á vez que fomenta a reciclaxe e a reutilización de téxtiles. Se queres roupa de segunda man que fose coidadosamente seleccionada e contribuír á inclusión social, esta é a túa tenda.

Se xa tes ganiña de xeados, non podes perder Campo a Través, xeados elaborados con leite de cabra ecolóxico da serra de Guadarrama. Situada en San Lorenzo del Escorial, atoparás toda unha variedade de sabores de xeados, así como de produtos lácteos, marmeladas, cremas de froitos secos…

Se estás preto de Malasaña, non podes deixar de pasar por La imprenta. Moito máis ca unha libraría e editorial independente: un centro de conspiracións culturais. Un espazo para a literatura, a cultura e a xustiza. Un lugar onde a expresión toma unha forma máis alá dos libros e as páxinas. Déixate sorprender polas súas actuacións, encontros e cultura.

Coa memoria histórica como piar fundamental, Redes de Educación Patrimonio y Culturaé un espazo dedicado a tecer lazos entre a historia, a arte e as prácticas educativas para enriquecer a herdanza cultural. O obxectivo desta asociación orixinada na serra norte de Madrid é a recuperación, o tratamento e a conservación do folclore dos pobos e construír comunidade.

Se tes ganas de explorar máis alá da cidade, unha alternativade turismo rural e responsable é Casa Rural Melones. En Patones de Abajo, na serra norte de Madrid, encóntranse as antigas construcións da familia Melones, dedicadas á gandaría e á agricultura. Foron reformadas e acondicionadas para estancias e para recibir visitantes. Porén, a Casa Rural Melones é tamén un espazo dinámico en que se entretecen artesanía, tradición e ecoloxía.