Que significa que as finanzas éticas son un suspiro de esperanza?
Significa estar de par das organizacións que salvan vidas, brindar apoio a entidades que traballan incansablemente para aliviar as inxustizas sociais e mellorar as condicións de vida das persoas máis vulnerables ou en risco. Mediante o seu compromiso con estas causas, Fiare Banca Etica aspira a chegar onde, a miúdo, as institucións públicas non chegan.
Estamos presentes en proxectos que promoven a sustentabilidade e a rexeneración do planeta. O noso traballo céntrase en construír redes sólidas e establecer alianzas con organizacións que comparten os nosos principios e valores: o coidado das comunidades, o respecto polos dereitos humanos e a protección do medio natural.
Porén, isto non abonda e en Fiare Banca Etica imos un paso máis aló.
Como entidade financeira, non nos limitamos a ofrecer financiamento. Aspiramos a actuar sobre as causas profundas das inxustizas sociais en múltiples ámbitos. Por iso, tamén nos dedicamos á educación e sensibilización derredor das finanzas éticas. Queremos que as persoas e organizacións comprendan os factores que inflúen nas decisións económicas globais, desde o impacto do aforro individual até o papel que desempeña o sistema bancario. O noso propósito é amosar como a acción de Fiare Banca Etica pode marcar unha verdadeira diferenza.
Este camiño está cheo de desafíos, como o poder e a hexemonía das finanzas tradicionais ou as complexas dinámicas das decisións xeopolíticas. No entanto, o respaldo daquelas persoas que elixen confiar na banca ética, sumado ao apoio das institucións españolas e europeas, reforza a nosa posición e a efectividade do noso modelo.
Con todo, aínda non abonda.
Queremos levar unha mensaxe clara a toda a sociedade: o ben común debe ser unha prioridade. Cremos firmemente que o interese máis alto é o interese colectivo. Por iso defendemos un modelo de finanzas baseado no diálogo e a reciprocidade, afastándonos das prácticas agresivas e opacas da banca tradicional.
Foto de Michael Marsh en Unsplash
