Queres cambiar ás finanzas éticas, mais preocúpanche o papelame e o tempo?
Dares o paso cara á banca ética hache parecer un proceso longo e complicado: coas nóminas, os aforros e as transferencias nunha conta, moitas persoas teñen medo de que o cambio de banco sexa un trámite lento, cheo de papelame e con gastos de xestión. Porén, co servizo de traslado de contas, só tes que abrir unha conta en Fiare Banca Etica e xa nós nos encargamos do resto.
Que é o traslado de contas?
O traslado de contas refírese ao traspaso de información entre entidades de crédito, da antiga á nova, daquelas persoas clientas que queiran cambiar os seus produtos dunha entidade a outra.
Neste traslado podes decidir que queres levar dun banco ao outro: ordes permanentes de transferencia, transferencias entrantes periódicas (como a nómina, por exemplo) e cargos domiciliados (recibos), ou o saldo existente na entidade anterior. Ademais, se o desexas, podemos xestionarche o peche da conta anterior.
Que se precisa para facer o traspaso?
Para realizar este cambio, será imprescindible que a nova clienta ou cliente (que pode ser tanto unha persoa física coma unha xurídica) teña aberta unha conta en FiareBE; todas as persoas titulares deberán ter unha conta na cooperativa. Unha vez creada a conta, deberase solicitar por escrito o traslado (abondará co envío dun correo electrónico).
Que vantaxes ten?
Esta xestión é 100 % gratuíta.
Non fará falla que contactes coa túa anterior entidade bancaria.
Non tes que presentarte presencialmente na túa oficina.
O teu diñeiro contribuirá á economía social e ao coidado ambiental e social.
Contacta connosco para máis información!
Imaxe de Unplash
Veinticinco años por la paz, el medio ambiente y la inclusión
07.03.2024
Catro administracións públicas sumáronse a Fiare Banca Etica en 2023
29.02.2024
I Encontro de Xuventude – Grupo Banca Etica
30.01.2024
Montes du Couso, de escombrera a ejemplo de sostenibilidad
04.12.2023
Microfides: La Lucha por la Inclusión Financiera de las Mujeres
27.11.2023
El 25N: Nuestra lucha contra la violencia económica, otra forma de violencia de género
24.11.2023