En Fiare Banca Etica entendemos que a economía debe estar ao servizo das persoas. Por iso, buscamos aliados que compartan a nosa visión dun tecido empresarial sólido, responsable e transformador. Neste contexto, satisfacémonos anunciar a sinatura dun novo convenio de colaboración con Elkargi, a sociedade de garantía (SGR) referente no sector.
Este acordo, tras anos de colaboración entrambas as entidades, foi ratificado recentemente por Juan Garibi Soga, director comercial e de estratexia de Fiare Banca Etica, e Zenón Vázquez Irizar, director xeral de Elkargi. Os dous coincidiron na importancia de unir forzas para facilitar que o crédito chegue a onde realmente importa: á economía real.
Unha ponte cara ao crecemento sostible
A colaboración entrambas as entidades busca eliminar barreiras financeiras para as pemes, cooperativas e entidades do terceiro sector. Grazas a este convenio, as organizacións poderán acceder a liñas de financiamento en condicións preferentes, contando co aval e o asesoramento especializado de Elkargi.
Cales son os puntos clave deste acordo?
- Facilidade de acceso ao crédito: o aval de Elkargi permite que proxectos cun impacto social positivo poidan obter o financiamento necesario de Fiare Banca Etica con maiores garantías e axilidade.
- Condicións competitivas: establécense marcos financeiros vantaxosos destinados tanto ao investimento en activos fixos coma á mellora do circulante.
- Fomento da economía social: as dúas institucións reforzan o compromiso coas empresas que sitúan a sustentabilidade e mais a ética no centro da súa xestión.
Durante a sinatura, Juan Garibi destacou que esta alianza “reforza a nosa capacidade de lles dar resposta ás necesidades financeiras das entidades da economía social, achegando a seguridade dunha garantía coma a de Elkargi”.
Construíndo futuro
Con este paso, Fiare Banca Etica e Elkargi consolidan un ecosistema de apoio financeiro que prioriza a transparencia, a sustentabilidade e mais o desenvolvemento local. Seguimos traballando para que cada euro depositado na nosa entidade se converta nunha ferramenta de transformación social a través de empresas máis fortes e conscientes.
Se es unha empresa ou unha entidade interesada en coñecer como este convenio pode beneficiar o teu proxecto, non dubides en contactar con nós.
