En Fiare Banca Etica cremos que a cultura pode ser unha ferramenta poderosa de transformación social. Por iso, estamos orgullosos de apoiarmos a compañía La Virgueria no seu novo espectáculo, Dirty Crusty, de Clare Barron, que se estreará o 9 de decembro na Sala Atrium de Barcelona.
La Virgueria é unha compañía teatral que naceu coa vontade de crear un teatro crítico, comprometido e accesible, que poña a mirada nos conflitos sociais e humanos do noso tempo. Ao longo dos anos consolidouse como unha voz imprescindible dentro da escena independente catalá, apostando por unha dramaturxia contemporánea que dialoga coa realidade e que invita á reflexión.
Nesta ocasión, con Dirty Crusty, a compañía pon en escena un texto que explora os límites das relacións, os espazos e as identidades, e que mostra como o mundo actual —cheo de presións, expectativas e desigualdades— pode empuxarnos cara á vulnerabilidade e a enfermidade mental.
A súa autora, Clare Barron, escribiu esta obra en 2011, antes do movemento #MeToo e antes de ser consciente de que sufrira unha agresión sexual e de convivir cun trastorno bipolar. Co tempo, Barron explicou que escribir Dirty Crusty foi esencial para lles dar nome ás súas propias experiencias, e para transformar a dor nunha expresión artística honesta, directa e profundamente humana.
Para Fiare Banca Etica, apoiar proxectos coma este forma parte do noso compromiso cunha economía que pon as persoas e mais a comunidade no centro. Cremos que a cultura pode abrir espazos de diálogo, sandar feridas colectivas e inspirar cambios sociais profundos. E La Virgueria demóstranos que o teatro pode ser unha ferramenta de conciencia e transformación.
📅 Estrea: 9 de decembro
📍 Sala Atrium (Barcelona)
